Non vos pensedes que este Nadal íamos estar de brazos cruzados!
Se tes entre 18 e 30 anos, prepárate para vivir este intensivo de creación! En tan só tres días, formarás parte dun equipo que creará desde cero unha obra de teatro e terá a oportunidade de presentala ante o público. Sen importar se xa tes experiencia teatral ou se é a túa primeira vez, aquí encontrarás un espazo para expresarte, divertirte e coñecer xente nova.
A actividade está aberta a mozas e mozos de todos os concellos do Baixo Miño, así que se es da Guarda, Oia, O Rosal, Tomiño ou mesmo da contorna do espazo Xove de Tui, non o dubides e súmate a esta aventura teatral.
Este proxecto forma parte de Foro Novo, unha iniciativa na que estamos traballando para promover a creatividade e a participación da xuventude na comarca. Atrévete a saír da rutina e a facer algo diferente este Nadal!