Desde FOCO ofrecémosvos impartir un destes obradoiros teatrais sobre medio ambiente completamente de balde no voso centro educativo, entidade, concello…
Estes obradoiros teñen unha duración de entre 50 minutos e 1 hora e media (adaptándonos ás vosas necesidades) e están destinados a persoas de entre 13 e 18 anos.
Estes son os temas que trata cada un dos obradoiros que podemos realizar:
1 – Contaminación das augas
Recrearemos, a través de improvisacións, a asemblea de veciños da obra Un inimigo do pobo de Ibsen.
2 – Incendios forestais
Exploraremos que elementos usaba Brecht nas súas obras de teatro para compartir as nosas opinións sobre as causas dos incendios forestais.
3 – Desastres naturais
A partir de exemplos de desastres naturais, os participantes crearán escenas teatrais que lles permitirá traballar as súas habilidades comunicativas.
4 – Contaminación do chan
Os participantes descobrirán que contaminantes se agochan baixo a terra e crearán escenas de teatro de obxectos.
5 – Contaminación do aire
Os participantes tomarán o papel de activistas e reclamarán medidas para a mellora da calidade do aire na súa contorna.
Estes obradoiros teatrais sobre medio ambiente son parte do proxecto Our Planet Acts que estamos a desenvolver con financiación da Unión Europea e en colaboración de entidades de Italia e Paises Baixos.
Contacto: [email protected] // 604 030 892
