O obxectivo xeral do proxecto é ofrecer oportunidades de aprendizaxe e participación en espazos ao aire libre para persoas maiores de 70 anos con menos oportunidades (baixos ingresos, baixa educación e procedentes de zonas rurais), co fin de fomentar a súa inclusión e mitigar o illamento ao que se enfrontaron durante a COVID-19, ofrecendo actividades en espazos seguros (a COVID-19 e outras enfermidades como a gripe transmítese con máis facilidade en espazos pechados e interiores).
5 persoas maiores con menos oportunidades en cada país participarán nun programa de aprendizaxe e creatividade para desenvolver unha Caravana Viaxeira que viaxará a comunidades desfavorecidas para reflexionar a través da arte e a cultura sobre os valores cívicos. Para facer isto posible, os socios do proxecto organizarán actividades de preparación, encontros transnacionais e compartirán os resultados do proxecto cos educadores de adultos.
O principal resultado será unha guía sobre como desenvolver unha Caravana Viaxeira cultural e inclusiva cun grupo de persoas maiores, que abranguerá todos os pasos do proceso. Desde a selección e preparación dos participantes, actividades para axudalos a liberar o seu potencial creativo e adquirir habilidades artísticas, a concepción dunha obra de teatro, a organización de actividades adicionais e os aspectos prácticos da súa implementación…
«El retorno», presentación en Fuenlabrada de los Montes
O 25 de maio presentamos en Fuenlabrada de los Montes a obra «El Retorno», creada colaborativamente por un grupo 15 de persoas de entre 60 e 86 anos, das cales 8 participaron na presentación final da obra.
En total levaron a cabo 52 ensaios co grupo de participantes, cunha duración de dúas horas cada un, é dicir, 104 horas de traballo teatral, adquisición de competencias, traballo corporal e creación de comunidade.
Aquí podedes ver o video completo da presentación:
Descarga o manual pedagóxico en castelá ou inglés
Galería de fotos do proxecto
